Animación Sociocultural en Pontevedra
Facer comunidade, rir, compartir, aprender e, sobre todo, moito xogar!
Buscas animadora sociocultural autónoma para eventos e proxectos en Vigo, Mos, Redondela e arredores? Pois aquí me tes!
Sobre Min
Son Lana, animadora sociocultural
Son unha rapaza redondelá que tivo a sorte de atopar no xogo, a animación e a educación unha forma de sentirse viva e plena, compartindo experiencias con persoas afíns en ideas e valores.
Traballo de autónoma como animadora sociocultural, monitora de tempo libre e educadora infantil, e levo 10 anos creando festas, obradoiros, proxectos educativos e espazos de lecer onde o xogo vai moito máis alá do entretemento, pois se converte nunha oportunidade única para aprender, colaborar, crear vínculos e facer que as persoas se sintan felices, escoitadas e a gusto.
Como son?
- Aberta, curiosa, alegre, risueña e desenfadada… e tamén introvertida, insegura e TORPE (si, en maiúsculas).
- Encántame xogar e coñecer persoas diferentes, compartir e aprender xuntas. Creo xenuinamente que a diversidade humana é marabillosa.
- Intento ser cada día mellor persoa, buscando contribuir activamente a un mundo máis xusto, sustentable, coidadoso e, sobre todo, amable. 🌱
OS MEUS SERVIZOS
Festas e eventos lúdicos
Experiencias puntuais pensadas para festexar, compartir e crear lembranzas e anécdotas divertidas a través do xogo, a colaboración e a participación.
Actividades educativas e socioculturais
Propostas continuadas ou de media duración nas que o xogo, a creatividade e a convivencia respectuosa se converten en ferramentas para aprender, crecer e construír comunidade.
Proxectos a medida
Cada grupo, entidade ou territorio é diferente. Por iso tamén deseño proxectos adaptados ás necesidades, intereses e obxectivos de cada realidade.
TESTEMUÑOS
Diversión para todos!
Entidades cas que colaboro
Estas son algunhas das xeitosas compañías que contan comigo habitualmente. Gustaríache tecer rede?
